როდესაც ჰიტლერი ომისათვის იწყებდა მზადებას, კარგად ესმოდა, რომ ძალიან დიდი მნიშვნელობა ექნებოდა გადაადგილების ტექნიკურ საშუალებებს, განსაკუთრებით სატვირთო მანქანებს. სწორედ მათ უნდა გადაეყვანათ პირადი შემადგენლობა და გადაეზიდათ სამხედრო აღჭურვილობა და შეიარაღება.

  გასული საუკუნის ოცდაათიანი წლების მეორე ნახევარში ევროპას დიდი საშიშროება დაემუქრა გერმანული ფაშიზმის სახით. საერთაშორისო მდგომარეობიდან გამომდინარე, საბჭოთა კავშირის ხელმძღვანელობამ პირველხარისხოვან ამოცანად დასახა თავდაცვის გაძლიერება.