ძვირადღირებული ლუქსი  ავტომობილების მწარმოებელმა კომპანიამ      Rolls-Royce–მა  2011 წლის ჟენევის ავტოსალონზე ოფიციალურად წარმოადგინა თავისი პირველი ელექტროავტომობილი 102 EX Phantom.

ეს ექსპერიმენტული მოდელი განკუთვნილია ულტრა-ლუქს სეგმენტისათვის და წარმოადგენს კომპანიის კონცეპტუალურ ხედვას. ამავე დროს “Rolls-Royce” აპირებს  დააკვირდეს სამომხმარებლო ბაზრის რეაგირებას ავტომობილთა ალტერნატიულ ვარიანტებზე.

102 EX Phantom-ს აქვს ალუმინის ჩარჩო და ორი ელექტროძრავი, თითოეული 145 კვტ სიმძლავრის (ერთიანობაში 290 კვტ), რაც საკმაოდ განსხვავდება სტანდარტული Phantom-ისგან (338 კვტ).
ლითიუმის ხუთმოდულიანი აკუმულატორი იწონის 640 კგ-ს. იგი თავსდება გრძელი კაპოტის ქვეშ და საკმარისია 125 მილის დასაფარად. ბატარეების დამუხტვისათვის საკმარისია დაახლოებით 8 საათი, თუმცა სრულ დამუხტვას სჭირდება 20 საათამდე.

ავტომობილი 0-60 მილი/სთ საწყისი სიჩქარის განვითარებას ანდომებს 8 წმ-ზე ნაკლებს (სტანდარტულ Phantom-ში _ 5,7 წმ). 102 EX Phantom-ს შეუძლია 100 მილი/სთ მაქსიმალური სიჩქარის განვითარება.

და, როგორც მოსალოდნელია, ეს სიამოვნება 102 EX Phantom–ის სახით ეღირება “სულ რაღაც” 1 მლნ ფუნტი (1,6 მლნ. დოლარი).