Mercedes-Benz 

Mersedes-Benz

Cadillac

Cadilac

• ჯიპი

---

ჯიპი – მსუბუქი ავტომობილის სახე. ჯიპს გააჩნია გამძლეობის მნიშვნელოვანი მარაგი, მაღალი გამწევ-დინამიკური მახასიათებლები. კლასიკური ჯიპის ძარა ფოლადისაა, გამარტივებული ფორმის, მოსახსნელი ტენტით და წინ გადასაწევი საქარე მინით, რაც მანქანის გაბარიტებზე უფრო დიდი ზომის ტვირთის ადვილად გადაზიდვისა ან ავტომობილზე სპეციალური მოწყობილობის დამონტაჟების საშუალებას იძლევა.
ჯიპებს გააჩნიათ მძლავრი ბამპერები და სამუხრუჭე საშუალებები. შიდა სივრცის უკეთ გამოყენებისთვის სათადარიგო ბორბალი ჩვეულებრივ, მაგრდება ძარის გარეთ.
მსოფლიოში პირველი ჯიპი (Willys MB) შექმნა ამერიკულმა კომპანიამ “ამერიკენ ბანტამი”(American Bantam). მანქანა იწონიდა 1800 ფუნტს, ძრავის სიმძლავრე _ 48 ცხ.ძ.
პირველად სახელწოდება ჯიპი მოხსენიებული იყო გაზეთში “ვაშინგტონ დეილი ნიუსი” 1941 წ. მარტში. სახელი შეადგენდა საწყის ასოებს ინგლისური სიტყვებისა “General Purpose” (“უნივერსალური დანიშნულების”), ანუ მოკლედ “ჯიპი”. თუმცა, თუ მივუდგებით ავტომობილის სქემის მიხედვით განხილვას, პირველ ჯიპად შეიძლება ჩაითვალოს უგზოობისთვის განკუთვნილი “მერსედესი”(Mercedes), გამოშვებული ფირმა “დაიმლერის” (Daimler) მიერ 1907 წელს. მისი ყველა თვალი იყო წამყვანი და მართვადი, სიმძლავრე – 45 ცხ.ძ.
გერმანიაში პირველი ჯიპები (სრულამძრავიანი არმიული მანქანები) გამოუშვა ფირმა “ჰორხმა”(Horch).
იაპონიაში პირველი ჯიპი გამოვიდა 1934 წ. ეს იყო დიზელზე მომუშავე “მიცუბისი РХ-33” (Mitsubishi PX-33).
ინგლისური ჯიპის “ლენდ-როვერის” (Land Rover) საბაზო მოდელი გამოდის 1948 წლიდან.
პირველი რუსული ჯიპი იყო გაზ-61, რომელიც გამოვიდა 1948 წ.