allauto.ge

საგზაო მოძრაობის უსაფრთხოება – მოცემული პროცესის მდგომარეობა,რომელიც ასახავს მისი მონაწილეების დაცულობის ხარისხს საგზაო-სატრანსპორტო შემთხვევებისა და მათი შედეგებისგან.საგზაო მოძრაობის უსაფრთხოების უზრუნველყოფა არის ქმედება, მიმართული საგზაო-სატრანსპორტო შემთხვევათა თავიდან ასაცილებლად, მათი მძიმე შედეგების შესამცირებლად.
მიღებულია სატრანსპორტო საშუალებისა და გზის უსაფრთხოების ორი გაგება – აქტიური და პასიური.
აქტიური უსაფრთხოება – სატრანსპორტო საშუალებების ხარისხთა ჯამი, რომელიც საშუალებას იძლევა შემცირდეს სსშ ან მისი მძიმე შედეგები საგზაო მოძრაობის მონაწილეთა აქტიური ქმედების გზით. აქტიური უსაფრთხოების ელემენტებს, რომლების ხელს უწყობენ ავარიის თავიდან აცილებას, განეკუთვნება ავტომობილის მედეგობისა და მართვის გაუმჯობესება, მუხრუჭების ეფექტურობის ამაღლება, ხილვადობის გაზრდა და ა.შ.
პასიური უსაფრთხოების ელემენტები უზრუნველყოფენ ავარიის დროს ტრავმატიზმის შემცირებას და მოიცავენ ღონისძიებათა კომპლექსს თითოეული მგზავრის გარშემო “დამცავი გარსის” შესაქმნელად (სავარძელთან მიმართებაში გადაადგილების შეზღუდვა, ძარის შიდა ზედაპირზე ტრავმის ალბათობის შემცირება, ავარიის შემთხვევაში ავტომობილიდან მოხერხებულად გამოსვლის უზრუნველყოფა და ა.შ.).
აქტიური უსაფრთხოების საშუალებებს საავტომობილო გზებისთვის წარმოადგენს: ხალხის მასიური გადასვლის ადგილებში მიწისქვეშა გადასასვლელების მშენებლობა, შუქნიშნებისა და საგზაო ნიშნების დაყენება, საფარი შეჭიდულობის მაღალი კოეფიციენტით.
პასიური უსაფრთხოების თვალსაზრისით კი – ზღუდეები, დამრეცი ნაპირები და სხვ.