allauto.ge

საავარიო სიგნალიზაცია – გამაფრთხილებელი მანათობელი მოწყობილობა, რომლის ჩართვისას მოსახვევის ყველა მაჩვენებელი ერთდროულად იწყებს მოციმციმე რეჟიმში მუშაობას.ამ მეთოდით ხდება საგზაო მოძრაობის სხვა მონაწილეების გაფრთხილება იძულებითი გაჩერების შესახებ.
საგზაო მოძრაობის წესების თანახმად, საავარიო სიგნალიზაცია უნდა ჩაირთოს:
- იმ ადგილებში იძულებითი გაჩერების შემთხვევაში, სადაც შეჩერება არ შეიძლება;
- საგზაო შემთხვევისას;
- გზის ჩაბნელებულ ადგილებში შეჩერებისა და დგომისას ან გაუმართავი განათების გამო არასაკმარისი ხილვადობის პირობებში;
- შუქფარების თვალისმომჭრელი შუქით მძღოლის ხილვადობის გაუარესებისას;
- ბუქსირებისას(მობუქსირე სატრანსპორტო საშუალებაზე).
იძულებითი გაჩერების გახანგრძლივების შემთხვევაში ჩართულ საავარიო სიგნალიზაციასთან ერთად სატრანსპორტო საშუალების უკან დამატებით უნდა დაიდგას ავარიული გაჩერების ნიშანი.