Mercedes-Benz 

Mersedes-Benz

Cadillac

Cadilac

• დარაკი

---

"დარაკი” (Darracq) - ფრანგული საავტომობილო კომპანია. 1896 წ. ინჟინერმა და მეწარმემ ალექსანდრე დარაკმა გადაწყვიტა ავტომობილების წარმოება, კერძოდ,ბენზინის ძრავიანი მსუბუქი სამი- და ოთხთვლიანი ავტომობილებისა. 1898 წ. ლეონ ბოლესგან შეისყიდა ლიცენზია მსუბუქი ავტომობილების წარმოებაზე და დაიწყო მათი დამზადება.
თუმცა მოდელს “დარაკ მფრინავ 15”-ს დიდი წარმატება არ მოჰყოლია.
პირველი მანქანა, რომელმაც წარმატება მოუტანა კომპანიას, იყო 1900 წ. დამზადებული მოდელი 6,5 CV, რომელსაც მალე მოჰყვა სხვა მოდელები 2- და 4-ცილინდრიანი ძრავით.
იმ დროის სხვა ავტომწარმოებალთა მსგავსად დარაკიც აწარმოებდა სარბოლო ავტომობილებს და და დააარსა ავტომრბოლელთა სკოლაც. 1906 წ. მისმა ბენზინზე მომუშავე ავტომობილმა განავითარა რეკორდული სიჩქარე 197,06 კმ/სთ.
ამ პერიოდშიკომპანიამ იტალიაში გახსნა ფილიალი ""Societa Anonima Italiana Automobili Darracq". აღსანიშნავია, რომ იტალიური ფილიალისგან 1910 წ. დასაწყისში შეიქმნა კომპანია  “ანონიმო ლომბარდე ფაბრიკა”, ამ უკანასკნელისგან კი პირველი მსოფლიო ომის შემდეგ წარმოიშვა ცნობილი ფირმა “ალფა რომეო”.
1919 წ. “დარაკმა” შეიძინა ინგლისური ფირმა “კლემენტ-ტალბოტი” (Clement-Talbot) და რამდენიმე ხანს მისი ავტომობილები გამოდიოდა მარკით  Clement-Talbot-Darracq. ერთი წლის შემდეგ “დარაკი” იყიდა კომპანია “სანბიმმა” (Sunbeam) და ჩართო ჯგუფში "Sunbeam-Talbot-Darracq". ფრანგულ ფირმას "Darracq" 1920 წ. გადაერქვა სახელი და ეწოდა “Talbot T”,რომელმაც დაიწყო ავტომობილების გამოშვება მარკით “ტალბოტ-დარაკი” (Talbot-Darracq).