allauto.ge

“დაიმლერ-ბენცი” (Daimler-Benz) – გერმანული საავტომობილო კომპანია. წარმოიშვა ორი დამოუკიდებელი კომპანიის “დაიმლერისა” და “ბენცის” შეერთების შედეგად. ამ კომპანიათა დამაარსებლები იყვნენ გოტლიბ დაიმლერი და კარლ ბენცი, რომელთაც ერთმანეთისგან დამოუკიდებლად შექმნეს პირველი ავტომობილები. ისინი ერთმანეთს არასდროს შეხვედრიან. კომპანიების ცხოვრებაც სხვადასხვა გზით მიდიოდა, მაგრამ პირველი მსოფლიო ომის დასაწყისისათვის “ბენცს” შეექმნა დიდი ფინანსური პრობლემები, რის გამოც დაიწყო პარტნიორების ძებნა. თანამშრომლობა “დაიმლერ მოტორენ-გეზელშაფტ”-სა და “ბენც К°"-ს შორის დაიწყო 1917 წ. თუმცა მხოლოდ 1926 წ. 29 ივლისს გაერთიანდნენ და ახალ კომპანიას ეწოდა “დაიმლერ-ბენც აგ”.
მას შემდეგ იგი წარმოადგენს საქვეყნოდ ცნობილ ფირმას და უშვებს ავტომობილის განთქმულ მარკას “მერსედეს-ბენცს”.