allauto.ge

ბამპერი (ინგლ. bump.- დარტყმა, ბიძგი) – ავტომობილის დეტალი, რომელიც დარტყმის ენერგიის შთანთქმის მეშვეობით ავტომობილის კორპუსს იცავს შეჯახების დროს დაზიანებისაგან მცირე სიჩქარით მოძრაობისას. XIX საუკუნის დასასრულსა და XX-ის დასაწყისში პირველი ბამპერები ავტომობილებს უკეთდებოდა სხვა ავტომობილების წაღების მიზნით, როცა მძღოლები პარკირების ადგილიდან დაძვრისას მათ აყენებდნენ ავტომობილთან მეტისმეტად ახლოს. მაგრამ უკვე პირველ მსოფლიო ომში ბამპერების დანიშნულება შეიცვალა – ისინი გამოიყენებოდა გვერდითი შეჯახების შესარბილებლად, რომელიც გამოწვეული იყო მძღოლების მიერ კოლონაში ავტომობილის ტარების არცოდნით. ამორტიზაციისთვის ბამპერები აღჭურვილი იყო ზამბარებით და პირველ ხანებში მათ დაერქვათ “ბუფერი”.
თანამედროვე მსუბუქი ავტომობილის ბამპერი, როგორც წესი, შედგება პლასტიკური გარსაცმისა და მის ქვეშ ძლიერი კოჭისგან(ფოლადი, ალუმინი, მინაბოჭკოვანი კომპოზიტი, მყარი პლასტიკი). ბამპერი ასევე შეიცავს დარტყმის ენერგიის მააბსორბირებელ მასალას – აქაფებულ პოლიპროპილენს ან პლასტიკურ უჯრედოვან სტრუქტურას.
იმისათვის, რომ ბამპერმა, როგორც დარტყმის ენერგიის მშთანთქმელმა, იმუშაოს ეფექტურად, საჭიროა გაძლიერებულ კოჭსა და ავტომობილის კორპუსს შორის არსებობდეს გარკვეული თავისუფალი მანძილი.