Mercedes-Benz 

Mersedes-Benz

Cadillac

Cadilac

• აუდი

---

“აუდი” (Audi)  – გერმანული საავტომობილო კომპანია. მარკა ეკუთვნის კონცერნს "Volkswagen". 1909 წ. გერმანელმა ინჟინერმა და მეწარმემ აუგუსტ ჰორხმა დააარსა ავტოსამშენებლო კომპანია და უწოდა თავისი სახელი, მანამდე კი მიატოვა თავისივე დაარსებული ფირმა “ჰორხი” (Horch).
1910 წ. ყოფილმა კომპანიონებმა ჰორხის წინააღმდეგ წამოიწყეს სასამართლო პროცესი, ვინაიდან მისი სახელი უკვე ფიგურირებდა სხვა ცნობილი სავაჭრო მარკის დასახელებაში. მაშინ ჰორხმა თავისი სახელი გადათარგმნა ლათინურად, და კომპანიას ეწოდა "Audi"- “სმენა”, რაც თარგმანში იგივეა, რაც “ჰორხ” გერმანულად. ამგვარად აღმოცენდა “აუდი აუტომობილ-ვერკე GmbH”(Audi Automobil-Werke GmbH).
ახალი კომპანიის პირველი ავტომობილი გახდა ოთხკარიანი მოდელი სიმძლავრით 28 ცხ. ძ. და გაზგამანაწილებლის ორიგინალური მოდელით.
კომპანია “აუდიმ” თავიდანვე მიიღო მონაწილეობა ავტორბოლებში და შეძლო არცთუ ცოტა გამარჯვებების მოპოვება, მათ შორის 1912-1914 წ.წ. “ტურ-დეზ-ალპიში”. მოდელმა "14/35 РS"  1913-1914 წ.წ. გაიმარჯვა და მეტსახელად ეწოდა “ალპების მომთვინიერებელი”. ამან წარმატება მოუტანა ფირმას.
1920 წ. ავგუსტ ჰორხმა დატოვა წარმოება და გადავიდა ბერლინში, სადაც კონსტრუქტორობასთან ერთად  დაიწყო პოლიტიკური მოღვაწეობა. მისი ნიჭი,როგორც ‘იდეების გენერატორისა”, მაშინვე აისახა ავტომობილების ახალ მოდელთა კონსტრუქციული გადაწყვეტილებების ხარისხზე. ფინანსურმა პრობლემებმა ფირმა აიძულა 1928 წ. შერწყმოდა სხვა კომპანიას – “დვკ”-ს, რომელმაც იმავე წელს გამოუშვა პირველი მცირელიტრაჟიანი მოდელი  . როლები ასე განაწილდა: “დვკ” მუშაობდა ახალ კონსტრუქციულ გადაწყვეტილებებზე, “აუდი” კი მის კონსტრუქციებს აძლევდა თავის ხმამაღალ სახელს. ახალმა კომპანიამ შექმნა რამდენიმე დიდი მანქანა. 1928 წ. გამოვიდა მოდელი  8-ცილინდრიანი მოტორით.
1932 წ. აგვისტოში კომპანიას შეუერთდა “ჰორხი” და ვანდერერი” და აღმოცენდა “აუტო უნიონ აგ”. ამასთან, ოთხივე კომპანიამ შეინარჩუნა დამოუკიდებლობა ბაზარზე. ამ შეერთების შემდეგ ჰორხი ისევ მიიწვიეს კომპანიაში სამუშაოდ.
“აუდის” ყველაზე წარმატებული მოდელი იმ დროისათვის იყო “ფრონტი” წინა ამძრავით, რომელიც იწარმოებოდა ჰორხის ქარხანაში. “აუდის” ომისწინა უკანასკნელი მოდელი იყო “ფრონტი 225”.
ომის შემდეგ “აუტო უნიონი” გადავიდა ინჰოლშტატში და 1949_1966 წ.წ. უშვებდა მოდელებს მხოლოდ “დვკ”-ს სახელწოდებით.
1958 წ. კომპანია გადავიდა “დაიმლერ-ბენცის” უწყებაში და გამოუშვა მოდელი “აუდი”, რომელიც წარმოდგენილი იყო 1965 წ. ფრანკფურტის გამოფენაზე.
1965 წ. კომპანია საკუთრებაში შეიძინა “ფოლკსვაგენმა”. როცა 1969 წ. მას შეუერთდა NSU , მისი სახელწოდებაც შეიცვალა და ეწოდა “აუდი NSU აუტო უნიონ აგ”. ეს დასახელება შეინარჩუნა 1984 წლამდე. ამის შემდგომ გამოიყენება სახელწოდება “აუდი აგ”.
აუდის ავტომობილები იწარმოება ნეკარსულმის ქარხანაში,სადაც მუშაობს დაახლოებით
11,5 ათასი კაცი. ყოველდღიურად კონვეიერიდა ჩამოდის დაახლოებით 800 მანქანა – ესაა 
A6, A6 Avant, A8 и Aud  Cabriolet.