allauto.ge

ატა(ATA-American Translators Association)–სატვირთო ტრანსპორტის ამერიკული ასოციაცია. დაარსებულია 1933 წ. კოლუმბიის ფედერალური ოლქის კანონმდებლობის შესაბამისად. ის გამოხატავს იმ 423 ათასზე მეტი კომპანიის ინტერესებს, რომლებიც ასე თუ ისე დაკავშირებული არიან აშშ-ის ავტოსატრანსპორტო დარგთან. ავტოგადამზიდავების (4,5 ათასზე მეტი) გარდა ატა-ში შედის კომპანიები, რომლებიც ახორციელებენ ავტოსატრანსპორტო დარგის პროდუქციით მომარაგებასა და მომსახურეობას.
ატა-ს მთავარი ამოცანაა დარგის ინტერესების წარმოდგენა აშშ-ს კონგრესში, სახელმწიფო მართვის ორგანოებსა და სასამართლოში. ატა წარმოადგენს ავტოსატრანსპორტო დარგთან დაკავშირებულ მეწარმეთა გამაერთიანებელ ფედერაციას. ატა-ს წევრები არიან როგორც ფიზიკური პირები, ისე ორგანიზაციები. თუ რომელიმე ასოციაცია შედის ატა-ში, ამ ორგანიზაციის ყველა წევრი ავტომატურად ხდება მისი წევრიც.
დღესდღეობით ატა-ში შედის სატვირთო ავტოტრანსპორტის 50 ასოციაცია, რომლებიც წარმოადგენენ აშშ-ის თითოეულ შტატს, ასევე რიგი დამოუკიდებელი ასოციაციები და ე.წ. “ნაციონალური კონფერენციები”, კერძოდ:
-სასოფლოსამეურნეო ტვირთის გადამზიდავთა კონფერენცია;
-ადგილზე სწრაფი მიტანის სისტემაში მომუშავე გადამზიდავთა კონფერენცია;
-საშიში ნარჩენების გადამზიდავთა ასოციაცია;
-სასაწყობო სამუშოების ასოციაცია;
-მცირეპატიებიანი ტვირთის გადამზიდავთა ასოციაცია;
-ინტერმოდალური გადაზიდვების კონფერენცია;
-ფეთქებადი ნივთიერებებისა და საომარი მასალების გადამზიდავთა კონფერენცია;
-ავტომობილის გადამზიდავთა ნაციონალური ასოციაცია;
-წიგნების, ჟურნალებისა და კინოფილმების გადამზიდავთა ნაციონალური ასოციაცია;
-ჩასასხმელი ტვირთის გადამზიდავთანაციონალური კავშირი;
-ბუქსირისა და გზაზე დახმარების ამერიკული ასოციაცია;
-ავტომობილთა გაქირავებისა და ლიზინგის ასოციაცია;
ზემოთ ჩამოთვლილ კავშირთა საქმიანობის მიმართულებები არა მხოლოდ პასუხობს გადაზიდვების კონკრეტული სხეობების ტექნოლოგიურ თავისებურებებს, არამედ ასევე შეესაბამება აშშ-ში მოქმედი სალიცენზიო სისტემით გათვალისწინებულ ავტოტრანსპორტის მომსახურების ბაზრის დანაწილებას. ატა-ში შემავალი კავშირები ქმნიან თავისებურ მატრიცულ სტრუქტურას: გადამზიდავთა ასოციაციები შტატების მიხედვით წარმოადგენენ ტერიტორიათა ინტერესებს, მაშინ, როცა კავშირები სპეციალიზაციის მიხედვით – ავტოსატრანსპორტო მომსახურების ცალკეული სახეობების მიმწოდებელთა ინტერესებს.
ატას აქვს 2 ძირითადი ოფისი: ნაციონალური დირექცია ვირჯინიის შტატის ქალაქ ალექსანდრიაში, და ვაშინგტონში მდებარე ოფისი სამართლებრივი საკითხებისთვის.
დირექტორთა საბჭოში შედის შვიდ-შვიდი წარმომადგენელი თითოეული შტატიდან ( და კოლუმბიის ფედერალური ოლქიდან), ასევე თითო ადამიანი ატა-ში შემავალი ასოციაციებისა და ნაციონალური კონფერენციებიდან.
აღმასრულებელ კომიტეტში შედის პრეზიდენტი, რვა პირველი ვიცე-პრეზიდენტი, ოთხი რეგიონალური ვიცე-პრეზიდენტი, ორმოცდაათი ვიცეპრეზიდენტი შტატებიდან, თითო ვიცე-პრეზიდენტი თითოეული კონფერენციიდან, ასევე მდივანი და ხაზინადარი.
აღმასრულებელ კომიტეტთან მოქმედებს ექვსი საბჭო: მოძრაობის უსაფრთხოების საბჭო, კლიენტურასთან ურთიერთქმედების საბჭო, ტექნიკური ექსპლუატაციის საბჭო, ეროვნული ფინანსურ-ეკონომიკური საბჭო, პრეტენზიებისა და სარჩელთა საბჭო, გადაზიდვების ორგანიზაციის საბჭო. ატა-ს საშტატო სტრუქტურაში არსებობს ამ საბჭოთა პროფილის შესაბამისი განყოფილებები, სადაც მუშაობს სამასამდე სპეციალისტი. ესენია ანალიტიკოსები სამართლისა და სახელმწიფო პოლიტიკის სფეროში, იურისტები, ეკონომისტები, სტატისტიკოსები, მკვლევარები, ექსპერტები გარემოს დაცვის სფეროში, საგზაო მოძრაობის უსაფრთხოებისა და მოძრავი შემადგენლობის ექსპლუატაციის ინჟინრები, საზოგადოებრივ კავშირთა სპეციალისტები.
ატა უშვებს ყოველკვირეულ ჟურნალს.