Mercedes-Benz 

Mersedes-Benz

Cadillac

Cadilac

• ასტონ მარტინი

---

“ასტონ მარტინი” (Aston Martin Lagonda Limited)  - ინგლისური საავტომობილო კომპანია – უმაღლესი კლასის ავტომობილების მწარმოებელი. 1987 წლიდან შედის კონცერნში “ფორდ მოტორ კომპანი” (Ford Motor Company). ფირმის “ასტონ მარტინის” ისტორია დაიწყო 1914 წ., როცა ორმა მეწარმემ და თავგამოდებულმა ავტომობილისტმა – რობერტ ბემფორდმა და ლაიონელ მარტინმა – ლონდონის რაიონში კენსინგტონში გახსნეს ავტომობილების საწარმო “ბემფორდი და მარტინ ლიმიტედი”.
შემდგომ 1914_1915 წ.წ. მათ ააგეს თავისი პირველი მსუბუქი ავტომობილი 1,4-ლიტრიანი ძრავით. 1908წლის გამოშვების “იზოტა ფრასკინი” აღჭურვილი იყო “კონვენტრი სიმპლექსის” ძრავით. პირველი “ასტონ მარტინი”, მოგვიანებით “ქულ შატლის” სახელწოდებით აქტიურად მონაწილეობდა რბოლებში. თავის ამ ავტომობილებს მიანიჭეს სავაჭრო მარკა “ასტონ მარტინი”.
1913 წ. მარტინმა მოიპოვა გამარჯვება ადგილობრივ რბოლაში ასტონ კლინტონში, და ამ მოვლენის სახსოვრად ფირმას უწოდეს “ასტონ მარტინი”.
პირველი მსოფლიო ომის შემდეგ 1921 წ. აეწყო “ასტონ მარტინის” მეორე მოდელი სახელწოდებით “ ბანი”, მან მაშინვე მიიღო მონაწილეობა საფრანგეთის გრან-პრიში, სადაც საუკეთესო მხრიდან წარმოჩინდა. ომისშემდგომ “ასტონს”, ისევე, როგორც მის 1915 წ. წინმორბედს, ჰქონდა “კონვენტრი სიმპლექსის” 4-ცილინდრიანი ძრავი, მაგრამ უკვე 1,5 ლ მოცულობით, რის წყალობითაც ავტომობილი ავითარებდა 110 კმ/სთ მაქსიმალურ სიჩქარეს და მშვენივრად იდგა გზაზე. ამ მოდელის ნამდვილი სერიული წარმოება დაიწყო მხოლოდ 1923 წ. გრაფ ლუის ზბოროვსკის ფინანსური მხარდაჭერის წყალობით. მაგრამ 1924 წ., როცა გრაფი მონცას ავტორბოლაში დაიღუპა, ფირმა გაკოტრების ზღვარზე დადგა. 1925 წ. “ასტონ-მარტინის” ზარალმა შეადგინა დაახლოებიტ 50 ათასი ფუნტი. შედეგად ფირმა გადავიდა ოგასტას ბერტელის მფლობელობაში, რომელმაც თავის პარტნიორებთან ლორდ ჩანვუდსა და უილიამ რენუიქთან ერთად შეუცვალა სახელი და დაარქვა “ასტონ- მარტინ მოტორს ლტდ”.
მალე ავტოქარხანა “ასტონ მარტინი” გადაიტანეს ფელთჰემში მიდლსექსის საგრაფოში, სადაც იარსება 1957 წლამდე.
1931 წ. კომპანია მცირე ხნით ერთიანდება ფირმასთან Fraser&Nesh. 1936 წ. გამოვიდა მოდელი “სპიდ მოდელი” (Speed) , ახლა უკვე 2,0-ლიტრიანი ძრავით. ომამდე პერიოდში წარმოებული იყო რამდენიმე საინტერესო პროტოტიპი, ერთ-ერთს მათ შორის წარმოადგენს 1939 წ. შექმნილი “ატომი”.იგი გახდა ომისშემდგომ წარმოებულ ავტომობილთა მთელი თაობის საბაზო მოდელი.
1947 წ. კომპანია შეიძინა დევიდ ბრაუნმა, ტრაქტორებისა სოფლის ტექნიკის მწარმოებელი კონცერნის მფლობელმა.
გარკვეული დროის შემდეგ ბრაუნმა შეიძინა მეორე ცნობილი ბრიტანული მარკა –“ლაჰონდა”, რომელსაც ასევე ჰქონდა არც თუ მცირე ტექნიკური და სპორტული მიღწევები. სწორედ ამ მომენტიდან ფირმაში დაიწყო დიდი ცვლილებები. კომპანიამ შეინარჩუნა ორივე მარკა “ასტონ მარტინიც” და “ლაჰონდაც”. “ასტონ მარტინის “ავტომობილებმა მიიღო ინდექსი “დბ”, ახალი მფლობელის სახელის მიხედვით. ხოლო პირველი მოდელი გახდა “დბ-1” 2,6-ლიტრიანი ძრავით. 1949 წ. მან მონაწილეობა მიიღო ლე-მანის მარულაში, ცოტა მოგვიანებით კი დაიწყო მისი გაყიდვა. “დბ-2” წარმოადგენდა გაცილებით თანამედროვე და სრულყოფილ ავტომობილს.
120 ცხ. ძ. ძრავი იძლეოდა 180 კმ/სთ სიჩქარის განვითარების საშუალებას. “დბ-3” გამოვიდა
1953 წ. ერთბაშად სამი მოდიფიკაციით – როდსტერი, დახურული კუპე “დბ-3S-FHS”   და განთქმული სარბოლო კუპე “დბ- 3S , რომელმაც თავის მრავალრიცხოვანი გამარჯვებებით დიდება მოუტანა ომისშემდგომ “ასტონ მარტინებს”. 1965 წ. გამოვიდა 325-ძალიანი “დბ-6”. ავტომობილი წარმოადგენდა “დბ-4”-ის უკანასკნელ გენერაციას მძლავრი ფორსირებული ძრავით, რომლიც იძლეოდა 240 კმ/სთ სიჩქარის განვითარების საშუალებას. მაგრამ მიუხედავად “ასტონ მარტინის” შემდგომი მოდელების წარმოებისა, კომპანია განიცდიდა ფინანსურ სიძნელეებს. გარკვეული სტაბილიზაცია დადგა მხოლოდ 1987 წელს, როცა ფირმის აქციების 75% შეიძინა ამერიკულმა კონცერნმა “ფორდ მოტორ კომპანი”-მ. 
ამჟამად “ასტონ მარტინს” აქვს ორი ქარხანა. ერთი მდებარეობს პატარა ინგლისურ ქალაქ ნიუპორტ-პაგნელში და უშვებს ძვირფას ექსკლუზიურ ავტომობილებს. მეორე სპეციალიზებულია უფრო “დემოკრატიულ” მანქანებზე.
ერთერთ ბოლო მოდელს “აჩსტინ მარტინს” აქვს 557 ცხ. ძ. სიმძლავრის ძრავი.
2000 წლის ბოლოს ფირმამ გამოუშვა 12 ათასზე ცოტა მეტი ავტომობილი მარკით “ასტონ მარტინი”.