allauto.ge

ანტიმაბლოკირებელი სისტემა (აბს) – სპეციალური მოწყობილობა ავტომობილში, რომლის მთავარი ამოცანაა ავტომობილის დამუხრუჭებისას თვლების ბლოკირების თავიდან აცილება, მისი კურსის მდგრადობისა და მართვადობის შენარჩუნება. დღესდღეობით თანამედროვე ავტომობილებში მისი გამოყენების აუცილებლობა აღიარებულია ავტომწარმოებლების უდიდესი უმრავლესობის მიერ. ავტომობილში მისი არსებობა მძღოლს ათავისუფლებს იმის აუცილებლობისაგან, რომ მუდმივად აკონტროლოს სამუხრუჭე პედალზე დაწოლის ძალა ბლოკირების თავიდან აცილების მიზნით და შესაბამისად ავტომობილის თვლების დამუხრუჭების ეფექტურობის შესამცირებლად. ამ ამოცანას თავის თავზე იღებს აბს-ის ელექტრონული ბლოკი, რომელიც ანალიზს უკეთებს თვლების ბრუნვის სიჩქარის გადამცემიდან მოსულ სიგნალებს და ჰიდრომოდულატორის დახმარებით ზემოქმედებას ახდენს ავტომობილის მუშა სამუხრუჭე მექანიზმებზე.
აბს თავიდან აცილებს თვლების ბლოკირებას 5 კმ/სთ-ზე მეტი სიჩქარით მოძრაობისას გზის მდგომარეობისაგან დამოუკიდებლად.
მას შემდეგ, რაც მძღოლი დააწვება სამუხრუჭე პედალს, ავტომობილის ბორბლების გზასთან შეხების ადგილას წარმოიქმნება მუხრუჭის ძალები. მუხრუჭის პედალზე შემდგომი დაწოლისას თითოეული თვლის დამუხრუჭების ეფექტურობა იზრდება მანამდე, სანამ კონტაქტის ადგილას თვლის სრიალის სიდიდე არ მიაღწევს რყევის მყარი და არასტაბილური დიაპაზონის ზღვარს. ამის შემდგომ მუხრუჭის ამძრავში წნევის მომატებას არ მოაქვს საჭირო რეზულტატი. ბორბლის ბრუნვის სიჩქარე მცირდება სრულ გაჩერებამდე(თვალი ბლოკირდება), თვლის მოცურება პირიქით, იზრდება, სამუხრუჭე ძალა ამასთან რჩება უცვლელი, ავტომობილი კი ხდება უმართავი.

აბს თავიდან იცილებს სწორედ მოვლენათა ასეთ განვითარებას, ზემოთ აღწერილი მექანიზმით.