allauto.ge

“ალვისი”(Alvis)– ინგლისური საავტომობილო ფირმა. იარსება 1966 წლამდე. მისი ისტორია დაიწყო იქიდან, რომ 1914 წელს ჯეფრი დე ფრევილმა ძმებ ბენტლებთან ერთად დააარსა ალუმინის დგუშების დამამზადებელი მცირე ფირმა სახელწოდებით “ალვისი”.
პირველი მსოფლიო ომის დროს ფრევილმა შეიმუშავა მსუბუქი სპორტული ავტომობილის პროექტი, რომელიც ომის დამთავრებისთანავე თავის საფირმო მარკა “ალვისთან” ერთად მიჰყიდა უელსელ ინჟინერს ჯორჯ ჯონს. ჯონს ჰქონდა პატარა სახელოსნო კოვენტრიში, სადაც დაიწყო ავტომობილის აწყობა ფრევილის პროექტის მიხედვით. 1920 წელს დაამზადა პირველი ავტომობილი “ალვის 10/30” 1,4 ლ მოცულობის ძრავით, რომელიც მაშინვე წარადგინა შოტლანდიის ავტოსალონზე. ავტომობილმა იქვე მიიქცია ყურადღება. მოდელის მაქსიმალური სიჩქარე იყო 97 კმ/სთ, რაც იმ დროისათვის საკმაოდ დიდი იყო. აეწყო მისი წარმოებაც: ყოველ კვირაში მზადდებოდა ორი მანქანა.
‘ალვისის” ავტომობილებმა თავიდანვე დაიწყეს სპორტულ შეჯიბრებებში მონაწილეობა. ფირმა სპეციალიზებული იყო წინა ამძრავიან ავტომობილებზე. პირველ სარბოლო მანქანას ჰქონდა
1,5 ლ მოცულობის ოთხცილინდრიანი ძრავი, რომლის სიმძლავრე კომპრესორიანად იყო 100 ცხ.ძ. ჰქონდა მცირე მასა, სულ 475 კგ., იყო საკმაოდ სწრაფი და ბრუკლენდის შეჯიბრებებზე მიარწია 169 კმ/სთ საშ. სიჩქარეს. თუმცა “ალვისის” ავტომობილები სიჩქარით მაინც ჩამორჩებოდა ისეთ მარკებს, როგორიცაა “ბუგატი”, “დელიაჟი”, “ტალბოტ-დარაკი”. მორიგმა წარუმატებლობამ
1927 წ. ფირმა აიძულა მიეღო “გრან- პრისთვის” განკუთვნილი ავტომობილების გამოშვების შეწყვეტის გადაწყვეტილება და ორიენტაცია აეღო საგზაო და სპორტული ავტომობილების წარმოებაზე. ამ პერიოდში იწარმეობოდა “ალვისი” ოთხცილინდრიანი 50 ცხ. ძ. სიმძლავრით კომპრესორის გარეშე.
მეორე მსოფლიო ომის შემდეგ “ალვისი” აგრძელებდა ავტომობილების გამოშვებას. ყველაზე წარმატებული იყო ოთხცილინდრიანი მსუბუქი ავტომობილი "ТА-14”, ხოლო მოდელი სერია “21” გამოდიოდა 1967 წლამდე..

“ალვისს” მუდმივად თან სდევდა ფინანსური პრობლემები და 1965 წელს ის შევიდა ჯგუფში “როვერი”, რომელმაც “ალვისის” მსუბუქი ავტომობილების წარმოება ჩათვალა არარენტაბელურად.