Mercedes-Benz 

Mersedes-Benz

Cadillac

Cadilac

• აიუკავა იოშიზუკე

---

აიუკავა იოშიზუკე (Ayukawa Yoshisuke)- იაპონელი მეწარმე, კომპანია “ნისანის” დამაარსებელი. დაიბადა 1880 წ.
1904 წ. 7 მაისს კუნძულ ჰონსუიზე მდებარე ქალაქ ოკაიამაში საყოფაცხოვრებო მოწყობილობათა მცირე სარემონტო სახელოსნოს მფლობელმა ტ.იამაჰამ პირველად გამოცადა ეკიპაჟი ორთქლის ძრავით.
პირველი იაპონური ავტომობილი შინაგანი წვის ძრავით აიგო 1907 წ. ფირმის “ტოკიო ძიდოსია სეისაკუსოს” ინჟინრის კომანოსუკე უჩიამასა და მექანიკოსის სიტარო იოშიდას მიერ. ავტომობილს ერქვა “ტაკური”(“პატარა “დრანდულეტი’). 1917 წ. დაიწყო პირველი სერიული მსუბუქუ ავტომობილის წარმოება. ეს იყო “მიცუბისი-А” და მზადდებოდა ფიატის ლიცენზიით.
1904 წ. ტოკიოს საიმპერატორო უნივერსიტეტის დამთავრების შემდეგ აიუკავამ გადაწყვიტა მიებაძა თავისი თაობის პატივმოყვარე და განათლებული იაპონელების მაგალითისთვის და გაეფართოებინა უნივერსიტეტში მიღებული ცოდნა, რისთვისაც ხანგრძლივად იმოგზაურა აშშ-ში, რათა შეესწავლა წარმოების ტექნოლოგიები და მეთოდები. ხოლო 1910 წ. მან დააარსა “ტაბაკა კასტინგ კომპანი”, რომელიც მალე გახდა უმსხვილესი შავ მეტალურგიაში. შემდეგ მთელი რიგი გარიგებები დადო კომპანიებთან General Motors, Ford Motor, Austin და Morris, რომლებიც ქვეყანას ამარაგებდნენ მსუბუქი ავტომობილებით.
30-იანი წ.წ. დასაწყისში აიუკავა მივიდა საკუთარი ავტომობილების წარმოების იდეამდე. ჩაატარა ბაზრის მარკეტინგული კვლევა და მიხვდა, რომ წარმატების ყველაზე დიდი შანსი ჰქონდა ავტომობილს "Datsun", რომელსაც უშვებდა ფირმა DAT Jidosha Seizo. 1934 წ. აიუკავამ დაარეგისტრირა ახალი ფირმაNissan Motor Company, რომელმაც მოაღწია დღემდე.
თავის ხასიათით აიუკავა პასუხობდა ტრადიციულ იაპონურ შეხედულებებს ბიზნესზე. კარიერის დასაწყისშივე გადაწყვიტა შეექმნა და შემდგომ ეხელმძღვანელა მრავალდარგოვანი წარმოებისთვის, კერძოდ დაეარსებინა “ძაიბაცუ”. და წარმატებასაც მიაღწია – ავტომშენებლობის გარდა, კომპანია “ნისანი” ეწეოდა ქიმიური საქონლის წარმოებას, მშენებლობას, დაზღვევას, ტყისგადამუშავებას, ჩამოსასხმელ წარმოებას და ფლობდა უამრავ სხვა საწარმოს. აიუკავა გახდა ავტომობილის მრეწველობის გამოჩენილი წარმომადგენელი და აღიარებული ლიდერი, თუმცა ავტოწარმოება წარმოადგენდა მისი მრავალმხრივი საქმიანობის მხოლოდ ერთ ნაწილს.
გარდაიცვალა 1967 წ.
დღეს “ნისანი” – სიდიდით მეორეა ავტომობილების წარმოებაში იაპონიაში. ამ მარკის ავტომობილები გამოდის მსოფლიოს შვიდ ქვეყანაში.