Mercedes-Benz 

Mersedes-Benz

Cadillac

Cadilac

• ავტომაგისტრალი

---

ავტომაგისტრალი – გრძელი საავტომობილო გზა მაღალი გამტარებლობით და დიდი სიჩქარით მოძრაობისთვის განკუთვნილი.
სხვა გზებისაგან განსხვავებით ავტომაგისტრალებს უნდა ჰქონდეთ გადაკვეთები სხვა საავტომობილო და სარკინიგზო გზებთან სხვადასხვა დონეზე. მათი სავალი ნაწილები ერთმანეთისაგან გამოყოფილია სპეციალური ზოლით, ფეხით მოსიარულეთათვის მოწყობილია მიწისქვეშა გადასასვლელები ან ხიდები.
ავტომაგისტრალებზე იკრძალება:
-ქვეითადმოსიარულეთა, შინაური ცხოველების, ველოსიპედების, მოპედების, ტრაქტორებისა და თვითმავალი მანქანების და სხვა ისეთი სატრანსპორტო საშუალებების მოძრაობა, რომელთა სიჩქარე ტექნიკური მახასიათებლით ან მდგომარეობით ნაკლებია 40 კმ/სთ-ზე; ასევე 3,5 ტ-ზე მეტი მასის მქონე სატვირთო ავტომობილების მოძრაობა მეორე ზოლზე შორს.;
-გაჩერება საგანგებო სადგომი მოედნების გარდა, აღნიშვნით 5.15-“სადგომი ადგილი” ან 6.11-“დასასვენებელი ადგილი”;
-სასწავლო ტარება;
წესები ავტომაგისტრალებზე მაქსიმალური სიჩქარით მოძრაობის უფლებას აძლევს მსუბუქ ავტომობილებს, ასევს 3,5 ტ-ზე ნაკლები მასის სატვირთო ავტომობილებს 110 კმ/სთ სიჩქარით, ხოლო დანარჩენ ტრანსპორტს 90 კმ/სთ სიჩქარით.
მსოფლიოში პირველ ავტომაგისტრალად ითვლება იტალიაში მილანსა და ქალაქებს- კომოსა და ვარეზს შორის არსებული მაგისტრალი, რომელიც განკუთვნილი იყო მხოლოდ მექანიკური სატრანსპორტო საშუალების მოძრაობისთვის. 1922 წელს გაიხსნა მოძრაობა მის პირველ მონაკვეთზე მილანი-ვარეზი. იმ დროისათვის ქვეყანაში არსებობდა 60 ათასამდე ავტომობილი და მოტოციკლი.
გერმანიაში პირველი ოთხზოლიანი გზა, განკუთვნილი ავტოტრანსპორტის მხოლოდ დიდი სიჩქარით მოძრაობისთვის, აიგო 1924 წელს იტალიელი ინჟინრის პურიცელის მიერ.
რუსეთში პირველ ავტომაგისტრალად ითვლება მოსკოვი – მინსკი, რომლის მშენებლობა დაიწყო 1936 წელს და გათვლილი იყო 120 კმ/სთ სიჩქარით მოძრაობისთვის.
ამჟამად დაპროექტებული ჩქაროსნული ავტომაგისტრალი ევროპა-რუსეთი-აზია-ამერიკა (ЕРАА)  სიგრძით 18 ათასი კმ, იქნება მსოფლიოში ყველაზე გრძელი საავტომობილო გზა. გზას პარიზი-აშშ ექნება მიწის საპარის სიგანე – 15 მ, სავალი ნაწილის – 9 მ, სიგრძე 18 ათასი კმ. გზა გაივლის მინსკს, მოსკოვს, ვლადივოსტოკს, ჩუკოტკას, ალიასკას და გავა ნიუ-იორკამდე.
ბერინგის სრუტეზე უნდა გაიდოს 9 კმ სიგრძის ხიდი. ვლადივოსტოკიდან ავტომაგისტრალი გაივლის აზიის ქვეყნებზე. იგი სატრანსპორტო კავშირით უზრუნველყოფს 3 მლრდ.-ზე მეტ ადამიანს. გეგმიური ღირებულება შეფასებულია 320-350 მლრდ. დოლარად. გზის მშენებლობა დაიწყო 1922 წელს.
მიმდინარეობს 10 ათასი კმ სიგრძის ტრანსევროპული (ТЕМ) მაგისტრალის მშენებლობა, რომელიც გაიჭიმება პოლონეთის ქ. გდანსკიდან თურქეთის ქ. ტურბულაკამდე. ის გაივლის პოლონეთს, სლოვაკიას, უნგრეთს, სერბეთსს, ბულგარეთს და თურქეთს.