Mercedes-Benz 

Mersedes-Benz

Cadillac

Cadilac

• აეროდინამიკა ავტომობილის

---

აეროდინამიკა ავტომობილის – ავტომობილის ძარის აეროდინამიკური თვისებების ერთობლიობა. ავტომობილს მოძრაობისას უხდება ჰაერის გაპობა, თითქოს მისი განდევნა, გვერდზე გაწევა. ესა გამოწვეულია ჰაერის წინააღმდეგობით. რაც უფრო სწრაფად მიდის ავტომობილი, მით მეტია ეს წინააღმდეგობა. ჰაერის წინააღმდეგობის ძალა შედგება რამდენიმე კომპონენტისგან, რომელთაგან ძირითადს წარმოადგენს პირდაპირი წინააღმდეგობის ძალა, რომელიც წარმოიშობა იმის შედეგად, რომ ავტომობილის მოძრაობისას მის წინ იქმნება ჰაერის ჭარბი წნევა, უკან კი დაბალი (ატმოსფერულ წნევასთან შედარებით). რაც უფრო დიდია სხვაობა წინა და უკანა მხარეებს შორის, მით მეტია პირდაპირი წინააღმდეგობის ძალა. წნევის ეს სხვაობა კი თავის მხრივ, დამოკიდებულია ავტომობილის ფორმასა და მოძრაობის სიჩქარეზე.
ჰაერის წინააღმდგობის კოეფიციენტის მნიშვნელობა სხვადასხვა ტიპის ავტომობილებისთვის:
სარბოლო ავტომობილები - 0,13 - 0,15.
მსუბუქი – 0,15 - 0,35
სატვირთო – 0,5 – 0,7
ავტობუსი – 0,25 - 0,4
ავტომატარებელი - 0,55 – 0,95
პირდაპირი წინააღმდეგობის კოეფიციენტის მნიშვნელობა ზოგიერთი მოდელისთვის:
“ფორდ-პრობა” – 0,14, “მიცუბისი HSR” – 0,20, “რენო-მეგანი” – 0,21; “სიტროენ-აქტივი” – 0,25; “ნისან UVX” – 0,25; “ოპელ-კალიბრა” – 0,26; “ტოიოტა xB 11” – 0,26; “სიტროენ XM” – 0,28;“ფიატ-ტემპრა” - 0,28; “პეჟო 605 SL”, “ტოიოტა 4500 GT”, “რენო-21” – 0,29; “ალფა-რომეო 164”, ”მერსედეს-ბენცი 300 KE” – 0,30; “ფერარი 348”, “ფოლკსვაგენ-კორადო” – 0,32;  “ბმვ 735” – 0,33; “ვოლვო 440 GLE” – 0,34; “მოსკვიჩი 2141”, “ფორდ-ფიესტა” – 0,35; “ფერარი მონდიალი” - 0,40.