ჟურნალმა “Forbes” შეადგინა 2012 წლის ყველაზე უსაფრთხო ავტომობილების სია. აღნიშნულ სიას საფუძვლად დაედო ანალიზი კრაშ-ტესტებისა, რომელსაც ყოველწლიურად ატარებს აშშ-ს საგზაო უსაფრთხოების სადაზღვევო ინსტიტუტი - IIHS ( Insurance Institute for Highway Safety).
2012 წელს მაგალითად, სიაში ვერ მოხვდა Toyota Rav4 2011, რომელმაც 2011-ში ყველა პარამეტრით შეფასება “კარგი” დაიმსახურა და დღემდე უდიდესი პოპულარობით სარგებლობს მთელ მსოფლიოში სწორედ საიმედოობისა და ხელმისაწვდომობის გამო.
მაშ ასე, 2012 წლის ყველაზე უსაფრთხო ავტომობილები:
Audi A6 - მას გამოარჩევს შესანიშნავი დიზაინი, კომფორტული სალონი, განსაკუთრებული აღჭურვილობა და უსაფრთხოების მაღალტექნოლოგიური ფუნქციების სიმრავლე, რომელიც მოიცავს ე.წ. “ბრმა ლაქისა” და სავალი ზოლის მონიტორინგს, შეჯახების თავიდან აცილებას და ღამის ხედვის სისტემას. “2012 ყველაზე უსაფრთხო ავტომობილის” ტიტული მან მიიღო ფრონტალური და გვერდითი შეჯახების, გადაბრუნებისა და უკან სვლის საუკეთესო მაჩვენებლების შედეგად.
BMW 5 series - სპორტული სედანი. კრაშ-ტესტის საუკეთესო მაჩვენებლებთან ერთად მას გააჩნია პასიური და აქტიური უსაფრთხოების მდიდარი ასორტიმენტი: “ბრმა ლაქისა” და სავალი ზოლის მონიტორინგი, ადაპტირებული ფარები, ღამის ხედვის სისტემა, ახალი თაობის უსაფრთხოების ბალიშები მძღოლისა და მგზავრებისათვის, ასევე გვერდითი ბალიშები, უსაფრთხოების ახალი ელექტრონული სისტემა.
Infiniti EX 35 - სპორტული ხუთადგილიანი სრულამძრავიანი კროსოვერს გააჩნია ყველა მაღალტექნოლოგიური ფუნქცია, მათ შორის, უსაფრთხოების: “ბრმა ლაქისა” და სავალი ზოლის მონიტორინგი, შეჯახებისგან დაცვის სისტემა და სხვ.
Mercedes-BenzE-Class - გააჩნია უსაფრთხოების სრული მენიუ - ადაპტირებული ფარები, “ბრმა ლაქის” მონიტორინგი, შეჯახების თავიდან აცილება/გაფრთხილების სისტემა, უსაფრთხოების უკანა გვერდითი ბალიშები, ღამის ხედვის სისტემა, ხოლო Attention Assist სისტემა აკონტროლებს მძღოლის მოქმედებებს და განსაზღვრავს მისი უსაფრთხოების ხარისხს.
Mercedes-Benz M-Class - უნივერსალი მაღალი განვლადობითა და მუდმივი სრული ამძრავით. ეს ავტომობილი თავის თავში აერთიანებს ყველგანმავლის, მინივენისა და უნივერსალის უმნიშვნელოვანეს მახასიათებლებს და წარმოადგენს საშუალო ზომის მტკიცე ყველგანმავალს უსაფრთხოების უახლესი სისტემებით - “ბრმა ლაქის” მონიტორინგი, შეჯახების თავიდან აცილება/გაფრთხილების და Attention Assist-ის სისტემები.
Volvo S60 - საშუალო ზომის დახვეწილი სედანი ღირსეულად ინარჩუნებს ბრენდის რეპუტაციას უსაფრთხოების თვალსაზრისით. აღჭურვილია ისეთი სისტემებით, როგორიცაა ადაპტირებული ფარები, “ბრმა ლაქისა” და სავალი ზოლის მონიტორინგი, შეჯახების თავიდან აცილება/გაფრთხილების, City Safety-სა და Pedestrian Detection-ის უსაფრთხოების სისტემები. City Safety თავიდან აცილებს წინმავალ ავტომობილთან შეჯახებას 30კმ/სთ სიჩქარით მოძრაობისას. Pedestrian Detection გზაზე გადამსვლელ ქვეითად მოსიარულეთა რაოდენობას და ანელებს ავტომობილის სვლას დაჯახების ასარიდებლად.
Volvo S80 - ყველაზე დიდი სედანი, ელეგანტური, მდიდრული, შესანიშნავი დიზაინითა და სალონის ექსკლუზიური გაფორმებით. აღჭურვილია უსაფრთხოების ყველაზე თანამედროვე ფუნქციებით - ადაპტირებული ფარები, “ბრმა ლაქისა” და სავალი ზოლის მონიტორინგი, შეჯახების თავიდან აცილება/გაფრთხილების, City Safety-ს, Pedestrian Detection-ისა და Pedestrian Detection -ის უსაფრთხოების სისტემები.
Volvo XC60 - მძლავრი კროსოვერი ძლიერი საგზაო ნათებით და შთამბეჭდავი თვლებით, რომელიც ასევე აღჭურვილია უსაფრთხოების მრავალი უახლესი სისტემით - ადაპტირებული ფარები, “ბრმა ლაქისა” და სავალი ზოლის მონიტორინგი, შეჯახების თავიდან აცილება/გაფრთხილების, City Safety-ს, Pedestrian Detection-ის სისტემები, ასევე სისტემა Driver Alert, რომელიც ახორციელებს მძღოლის დაღლილობის ან ყურადღების მოდუნების მონიტორინგს.
1.jpg){kind=small}
1.jpg){kind=small}
1.jpg){kind=small}
2012 ყველაზე უსაფრთხო ავტომობილები 