მრბოლელი ქალბატონები-Ladies Racers-Дамы Гонщицы


დანიკა პატრიკი (Danica Patrick) Даника Патрик 

 ცნობილი ავტომრბოლელი ქალი დანიკა პატრიკი (დანიკა სიუ პატრიკი) დაიბადა 1982 წლის 25 მარტს ვისკონსის შტატის ქალაქ ბელოიტში. საინტერესოა, რომ მისმა მშობლებმა ერთმანეთი თოვლის მარხილებით შეჯიბრებაზე გაიცნეს. დედა მეგობარს ეხმარებოდა, როგორც მექანიკოსი, მამა კი შეჯიბრების უშუალო მონაწილე იყო.
ბავშვობის დიდი ნაწილი პატრიკმა ქ. როსკოში გაატარა. ჯერ კიდევ ათი წლის ასაკში, 1992 წელს პირველად მიიღო მონაწილეობა რბოლაში Sugar River Raceway–ის ტრასაზე ვისკონსიში.
 
16 წლიდან კარიერის გაუმჯობესების მიზნით საცხოვრებლად გადავიდა დიდ ბრიტანეთში. 2002 წლიდან კი ისევ დაუბრუნდა ამერიკას, სადაც Toyota Atlantic Campionship-ში თავის მეორე სეზონზე მე-3 პოზიცია დაიკავა და გადავიდა ძირითად გუნდში -IRL Indy Car-ის სერიაში.
 
მისი პირველი ყველაზე დიდი წარმატება, რამაც პატრიკს მოუტანა პოპულარობა, იყო 2005 წელს Indy 500-ის რბოლაში მეოთხე ადგილი. ეს იყო იმ დროისთვის სარეკორდო მაჩვენებელი მრბოლელ ქალთა შორის. იგი ასევე იყო პირველი ქალი, რომელიც 500 მილის დისტანციაზე რბოლის 19 წრეში ლიდერობდა. იმავე წელს მას მიენიჭა წლის ახალბედას ტიტული.

2008 წელს დანიკა პატრიკმა რბოლების ისტორიაში პირველად ქალთა შორის მოიგო Indy 300 იაპონიაში. წარმატებებმა,მიმზიდველმა გარეგნობამ, ზოგადად პილოტ ქალთა ნაკლებობამ დანიკას უამრავი თაყვანისმცემელი შესძინა. იგი მაშინვე მოექცა მასობრივი ინფორმაციის საშუალებათა ყურადღების ცენტრში. ის იყო პირველი ქალი-პილოტი, რომლის ფოტო 2005 წელს მოხვდა ჟურნალ Sports Illustrated-ის ყდაზე. იგი სიამოვნებით პოზირებს ისეთი ჟურნალებისთვის, როგორიცაა FHM და Sport Illustrated მონაწილეობა მიიღო რამდენიმე სარეკლამო კლიპში, გამოჩნდა ასევე მთელ რიგ ცნობილ მუსიკოსთა კლიპებში, სატელევიზიო გადაცემებში დასხვ.
 
 2005 წელს დანიკა პატრიკი დაქორწინდა თავის პირად ფიზიოთერაპევტზე და ამჟამად მწვრთნელზე პოლ ჰოსპენტალზე.
ჩვეულებრივ ცხოვრებაში დანიკა არცთუ სანიმუშო მძღოლია. იგი რამდენჯერმე დააჯარიმეს სიჩქარის გადაჭარბებისთვის.