allauto.ge

ავტოსალონი – ავტომოტოტექნიკისა და აქსესუარების გამოფენა. დღესდღეობით პრაქტიკულად მრავალ ქვეყანაში იმართება ავტოსალონები. მათ შორის ბევრს გააჩნია განსაკუთრებული სტატუსი და აღიარებულია ავტომწარმოებელთა ასოციაციის (OICA) მიერ. ყველაზე ცნობილია: ჟენევის, პარიზის, დეტროიტის, ფრანკფურტის ავტოსალონები.
თითოეულ სალონს გააჩნია თავისი სპეციფიკა. მაგალითად, ჟენევასა და დეტროიტში ხდება პერსპექტიული (კონცეპტუალური) დიზაინის ავტომობილების დემონსტრირება. პარიზში – უკანასკნელი დიზაინერული გადაწყვეტებისა და სერიული მოდელებისა; ფრანკფურტში _ კომერციული ავტომობილების (სატვირთო, პიკაპი, ავტობუსები) ბოლო მოდელებისა.
პირველი საერთაშორისო ავტოსალონი გაიმართა პარიზში 1989 წლის ზაფხულში. მისი ინიციატორი იყო საფრანგეთის საავტომობილო კლუბი. გამოფენა, რომელიც გრძელდებოდა 20 დღე, დაათვალიერა 140 ათასმა მნახველმა. გამოფენილი იყო 77 ფირმის მანქანები და მოწყობილობები. მათ შორის ავტომშენებლობის პიონერები: ქარხნები “ბენცი”, “დაიმლერი”, “დელაე”, “პანარ-ლევასორი”, “პეჟო”.